Баспасөз релиздері

Маңғыстау облысының әкімдігінде инвестициялық жобаларды іске асыру мәселелері талқыланды

Маңғыстау облысының әкімдігінде инвестициялық жобаларды іске асыру мәселелері талқыланды

Облыс басшысы Нұрлан Ноғаевтың төрағалығымен өткен жиын барысында Қазақстан Республикасы СІМ Инвестиция комитетінің Төрағасы Ардақ Зебешев әкімдік пен өңірлік бизнес өкілдеріне Сыртқы істер министрлігі тарапынан Маңғыстау облысында инвестициялық жобаларды іске асыру барынша қолдау көрсетілетінін айтты.

Мысалы, Маңғыстау облысынан инвестициялық жобалардың жалпыұлттық пулына жалпы сомасы 2,27 трлн теңге болатын және де 4 мыңнан астам жұмыс орнын құрылатын 41 жоба енгізілді.

2022 жылдың қорытындысы бойынша инвестициялық жобалардың өңірлік пулынан 17,25 млрд теңге сомасына 5 жоба пайдалануға берілді. Алдағы жылы 132,6 млрд теңгеге 8 жобаны іске асыру жоспарлануда.

4d0a16271c776d2a546596a67adf0863_1280x720.jpeg

Сондай-ақ, Ардақ Зебешев инвестиция саласындағы мемлекеттік қолдау шаралары, атап айтқанда инвестициялық келісімшарттар жасасу арқылы инвестициялық преференциялар беру туралы айтты.

Мәселен, 2005 жылдан бастап Маңғыстау облысы бойынша жалпы сомасы 150,6 млрд теңгеге 36 инвестициялық келісімшарт жасалды. Оның ішінде 29 қолданыстағы инвестициялық келісімшарттар (32,8 млрд теңгеге) және 4 аяқталған келісімшарттар (26,4 млрд теңге).

Өз кезегінде «KAZAKH INVEST» ҰК» АҚ Басқарма төрағасының орынбасары Жандос Темірғали Ұлттық компания қызметі туралы айтып берді. Сондай-ақ ол, KAZAKH INVEST міндеті - Қазақстандағы шетелдік инвесторлардың жұмысы үшін қолайлы жағдайлар жасау екенін атап өтті.

«Компания инвестициялар мәселелері бойынша Үкімет атынан бірыңғай келіссөз жүргізуші ретінде әрекет етеді. Өңірлік және шетелдік өкілдер желісіне ие бола отырып, біз «бір терезе» қағидаты бойынша инвестициялық жобаларды сүйемелдеу бойынша қызметтердің толық спектрін ұсынамыз: идеядан іске асыруға дейін, сондай - ақ инвестициядан кейінгі кезең»,- деп атап өтті KAZAKH INVEST топ-менеджері.

Инвесторларға және олардың перспективалық жобаларына тұрақты негізде «бір терезе» қағидаты бойынша жұмыс істейтін KAZAKH INVEST сервистік блогы қолдау көрсетеді.

Облыстық әкімдікте өткен жиынға қатысқан KAZAKH INVEST «бір терезе» тобының жетекшісі Әйгерім Қойлақова ақпараттық және заңдық сүйемелдеуді, инвестициялық келісімшарт жасасуды қамтитын сервистік қолдау жүйесінің функционалы туралы айтып берді. Инвестициялар туралы келісім, сондай-ақ салық несиесі сияқты инвестицияларды мемлекеттік қолдаудың жаңа шаралары егжей-тегжейлі баяндалды.

74eacf5009a049f567eea2305bc9d0b4_1280x720.jpeg

Маңғыстау облысына сапары барысында Астанадан келген делегация туристік бағыттағы бірқатар нысандардың жұмысымен танысты, сондай-ақ өңірдің өнеркәсіптік кәсіпорындарын аралады. Атап айтқанда, инвестициялық блоктың өкілдері 2022 жылдан бастап сорғы штангалары мен муфталарын шығаратын зауытқа барды.

Болат құбырларды оқшаулау кәсіпорнында екі қабатты және үш қабатты экструдталған полиэтилен жабыны бар өнімдер шығарылады. «Сталь Трейд НС» компаниясының жылдық қуаты-24 мың тонна өнім.

Өңірде «WestEcoPlast»  компаниясы 2023 жылдың IV тоқсанына қарай жұмсақ қаптама ыдыстарын шығаруды бастайды деп күтілуде.

Сондай-ақ, Астанадан келген делегация «Aktau Petroleum» мұнай-химия зауытында болды, онда «Маңғыстау» индустриялық аймағында ірі мұнай-химия кешенінің құрылысы жүргізіліп, мотор отындары мен мұнай-химия өнімдері шығарылатын болады.

«ҚазАзот» АҚ минералды тыңайтқыштар өндіру жобасының қатысушысы ретінде аммиак, азот қышқылы және аммиак селитрасын өндіру зауытын салуда. Өнімді негізінен жергілікті нарыққа сату жоспарланған.

Дереккөзі: Қазақстан Республикасы Сыртқы істер министрлігінің Инвестиция комитеті

Қолданбасын орнатыңыз:
1) Ашыңыз сайты Safari
2) сақтау Түймешігін түртіңіз
3) Қосу экран үйге