Қазақстандық және словакиялық бизнесмендер инвестициялық ынтымақтастықтың әлеуетін талқылады
Жаңа технологиялар, өнеркәсіп, инвестициялар, экспортты дамыту және бірлескен жоғары технологиялық жобаларды іске асыру саласындағы екіжақты ынтымақтастық мәселелері словак сыртқы саяси ведомствосының басшысы Иван Корчоктың Қазақстанға сапары аясында ұйымдастырылған «Қазақстан және Словакия: жаңа кезеңдегі ынтымақтастықтың жаңа мүмкіндіктері» атты Қазақстан-Словакия дөңгелек үстелінде талқыланды. Іс-шараға ұлттық компаниялардың, министрліктер мен ведомстволардың, сондай-ақ 30-дан астам қазақстандық және Словак фирмаларының өкілдері қатысты.
Дөңгелек үстел барысында тараптар екі елдің сауда-экономикалық ынтымақтастығын одан әрі дамыту мәселелеріне және бизнесті жүргізудің практикалық аспектілеріне ерекше назар аударды. Словак кәсіпкерлерінің ерекше қызығушылығын Қазақстандағы шетелдік инвестициялар үшін ұсынылатын бәсекелестік артықшылықтар тудырды.
Іс-шараны ашқан ҚР Сыртқы істер Министрінің орынбасары Ерлан Әлімбаев екі ел арасындағы өзара тиімді сауда-экономикалық қатынастарды тереңдетудің, инвестициялық әріптестікті дамытудың және озық технологиялар трансферінің маңыздылығын атап өтті.
«Қазақстан үшін Словакияның баламалы және жаңартылатын энергия көздері саласындағы тәжірибесі мен технологиялары үлкен қызығушылық тудырады. Бұл Қазақстанның энергетикалық секторын жаңғырту және жасыл экономикаға көшу тұрғысынан өте маңызды», - деді Ерлан Әлімбаев.
Диалог алаңының модераторы ретінде сөз сөйлеген Инвестициялар комитетінің Төрағасы Ардақ Зебешев кездесу қатысушыларын қазақстандық бизнес-қоғамдастықпен тікелей байланыс орнатуға шақырды.
Өз кезегінде Словакияның Сыртқы істер Министрі Иван Корчок Қазақстандағы экономикалық даму қарқынын, сондай-ақ жоғары инвестициялық тартымдылықты оң бағалап, словак бизнесінің Орталық Азия өңіріндегі маңызды әріптес ретінде Қазақстанға деген қызығушылығының арта түскенін атап өтті.
Сондай-ақ, Словак Республикасының бизнесімен кездесу аясында ҚР-да инвестициялық жобаларды іске асырудың негізгі артықшылықтары, бизнесті мемлекеттік қолдау шаралары, сондай-ақ «KAZAKH INVEST» қызметі туралы «KAZAKH INVEST» ҰК» АҚ Басқарма Төрағасының орынбасары Жандос Темірғали таныстырды. Өз сөзінде ол екі елдің инвестициялық ынтымақтастығының үлкен әлеуетін атап өтіп, словак компанияларының бизнес қауымдастығын өзара тиімді ынтымақтастыққа шақырды.
Сонымен қатар, іс-шара аясында биотехнология, машина жасау, АТ және т. б. салалардағы бірлескен инвестициялық жобаларды іске асырудағы жаңа тәсілдерді талқылау үшін қазақстандық тарап словакиялық мемлекеттік және жеке компаниялармен бірқатар екіжақты кездесулер өткізді.
Сонымен қатар, словак делегациясының Қазақстанға сапары аясында жаңартылатын энергия көздерін интеграциялау және жасыл құрылыс саласындағы қазақстандық компания «Tau innovative Solutions» ЖШС және словакиялық «Kuruc Company spol S.r.o.» өндірістік компаниясы «Стратегиялық серіктестік туралы» келісім жасалғаны туралы хабарлады. Құжат аясында тараптар Алматы қаласында құрамдастырылған қаптаманы қайта өңдеу және экологиялық панельдер өндіру зауытын салуды жоспарлап отыр. Келісімде словак технологияларының трансферті және зауытты басқа өңірлерде одан әрі кеңейту үшін өндірісті кезең-кезеңімен оқшаулау қарастырылған.
Айта кету керек, екі елдің іскерлік орталарының диалог алаңын Қазақстан Республикасының Сыртқы істер министрлігі мен «KAZAKH INVEST» ҰК» АҚ ұйымдастырды.
