Ақмола облысында терең астық өңдеу зауытын салу жоспарлануда
Dalian Hesheng Holdings Group еншілес компаниясы «Asia Altyn Dan» ЖШС-мен «Ақмола облысында терең астық өңдеу зауытын салу» жобасы бойынша инвестициялар туралы келісімге қол қойылды.
Іс-шарада «KAZAKH INVEST» ҰК» АҚ Басқарма төрағасы Сұлтанғали Кенжелқұлов құттықтау сөз сөйледі.
Төраға бұл Орталық Азиядағы ең ірі терең бидайды өңдеу жобасы екенін атап өтті. Жобаның негізгі кезеңдері аминқышқылдарын өндіру, арнайы электр станциясы және көмір-химия кешенін қамтиды, бұл жобаның технологиялық күрделілігін атап өтті.
«Инвестициялар туралы келісімге қол қою Қытайдың озық инженерлік тәжірибелерін енгізу арқылы Қазақстанның агроөнеркәсіптік кешенін дамытуға қосқан үлесті білдіреді, бұл біздің елімізде шетелдік инвесторлар үшін жасалған қолайлы инвестициялық ахуалды растайды», – атап өтті Сұлтанғали Кенжеқұлов.
Сондай-ақ іс-шарада Қазақстан Республикасы Ауыл шаруашылығы министрі Айдарбек Сапаров, Ақмола облысының әкімі Марат Ахметжанов және «Азия Алтын Дән» ЖШС директоры Юй Юйфэй сөз сөйледі.
Салтанатты рәсім барысында келісімге Қазақстан Республикасы Ауыл шаруашылығы министрі Айдарбек Сапаров, Ақмола облысының әкімі Марат Ахметжанов және «Азия Алтын Дән» ЖШС директоры Юй Юфей қол қойды.
Астықты терең өңдеу кешенін салу бойынша инвестициялық жоба «KAZAKH INVEST» ҰК» АҚ қолдауымен жүзеге асырылады және «Ақмола» индустриалдық аймағында орналасады. Құрылыс үш кезеңде жоспарланған, жалпы өңдеу қуаты 3 млн тонна құрайды. Бірінші кезеңде өңдеу қуаты жылына 1 миллион тонна бидай болады, 400 000 тонна глутамин қышқылы және шамамен 150 000 тонна глютен, жем және басқа да қосалқы өнімдер өндіріледі.
Dalian Hesheng Holdings Group бидай дәніндегі крахмал үшін бірегей биоферментация технологиясына (микроорганизмдерді пайдаланып органикалық заттарды түрлендіретін процесс) ие. Бұл технология глюкоза сиропын өндіру құнын айтарлықтай төмендетеді, ол кейіннен әртүрлі аминқышқылдары мен биопластиктерді өндіру үшін қолданылады.
