Швейцариялық Roche холдингі Қазақстанда өндіріс ашуда
«KAZAKH INVEST» ҰК» АҚ қолдауымен «F. Hoffmann-La Roche AG» швейцариялық холдингінің өкілдерінің Қазақстан Республикасы Денсаулық сақтау вице-министрі Вячеслав Дудникпен, «СК-Фармация» ЖШС басқарма төрағасы Ерхат Есқалиевпен, сондай-ақ Қазақстан Республикасы Қаржы министрлігі, «Әлеуметтік медициналық сақтандыру қоры» АҚ және «Қазақ онкология және радиология ғылыми-зерттеу институты» АҚ өкілдерінің қатысуымен кездесу өтті.
Кездесуде Қазақстанда инвестициялық жобаны жүзеге асырудың негізгі аспектілері талқыланды, сондай-ақ локализация туралы келісімдер – Рош онкологиялық ауруларды, оның ішінде сүт безі обырын емдеуге арналған үш биотехнологиялық препараттың жергілікті өндірісін құруға міндеттелді.
Жоба еліміздің фармацевтикалық нарығына тиімді әсер етеді, өйткені ол қазіргі уақытта импортталатын өнімдерді алмастырады. Қазақстан Республикасындағы жергілікті өндіруші «Нобель Алматы фармацевтикалық фабрикасы» АҚ кешенді үшінші тарап аудитінен сәтті өтті және швейцариялық тараптан Қазақстанда жергілікті өндірісті жүзеге асыруға рұқсат алды.
Сондай-ақ компания жергілікті мамандардың біліктілігін арттыруға көмектесетін Назарбаев Университетінде Құзыреттілік және инновациялық орталық құруды жоспарлап отыр. Орталық ғылыми-техникалық әлеуеттін нығайтуға және фармацевтика саласында инновацияны дамытуға көмектесетін жергілікті кадрларды оқытуды қамтамасыз етеді.
«KAZAKH INVEST» ҰК» АҚ жоба менеджері Дәулет Сақтағанов фармацевтика саласындағы ынтымақтастықтың маңыздылығын атап өтіп, бұл сала ұлттық компанияның инвесторларды тарту жұмысындағы негізгі бағыттардың бірі екенін атап өтті.
«Мемлекеттік органдардың басшыларына «KAZAKH INVEST» ҰК» АҚ базасын ірі инвестициялық жобаларды табысты жүзеге асыру үшін келіссөздер жүргізудің тәуелсіз алаңы ретінде пайдалану жөніндегі бастамамызды қолдағаны үшін шын жүректен алғысымды білдіргім келеді. Мұндай қолдаумен ынтымақтастық инвестиция тартуда және еліміздің дамуына үлес қосуда маңызды рөл атқарады», - деді Сақтағанов.
