Баспасөз релиздері

KAZAKH INVEST 3000 жуық халықаралық компанияларды ынтымақтастыққа шақырды

KAZAKH INVEST 3000 жуық халықаралық компанияларды ынтымақтастыққа шақырды

«KAZAKH INVEST» ҰК» АҚ «Go Global» онлайн-форумы алаңында әлемнің 50 елінен 3000 астам халықаралық компаниялардың өкілдеріне Қазақстанның инвестициялық әлеуетін таныстырды. Бизнес, қаржы ұйымдары, венчурлік қорлар және сауда қауымдастықтары өкілдерімен инвестициялар тарту жөніндегі халықаралық агенттіктер арасындағы ірі диалог алаңына айналған іс-шараны Халықаралық сауда кеңесі ұйымдастырды.

«Go Global» онлайн-форумының жұмысына логистика, электрондық коммерция, білім беру, қаржылық және заманауи өнеркәсіптік технологиялар, робот жасау, жасанды интеллект және т. б. сияқты түрлі салалардан халықаралық нарыққа шығуға ұмтылатын компаниялар қатысты. 

Іс-шара шеңберінде «KAZAKH INVEST» ҰК» АҚ өкілі Диана Аблякимова экономиканың басым секторларындағы елдің инвестициялық мүмкіндіктері туралы, сондай-ақ Қазақстандағы халықаралық бизнес үшін қолжетімді мемлекеттік қолдау шаралары туралы баяндама жасады.

«Соңғы бірнеше жылда Қазақстан бірқатар кең ауқымды реформалар жүргізіп, салық, кәсіпкерлік және кеден кодексіне қажетті түзетулерді қабылдады, бұл экономиканы жоспарлы түрде әртараптандыруға және бизнесті табысты жүргізу үшін қолайлы жағдайлар жасауға ықпал етеді. Үздік халықаралық тәжірибені зерделей отырып, Қазақстан инвесторларға жан-жақты қолдау, соның ішінде заттай гранттар беру, салықтар мен кедендік баждарды төлеуден босату және т.б. ұсынады. Сонымен қатар, «KAZAKH INVEST» ҰК» АҚ мамандары Қазақстанда инвестициялық жобаларды іске асыру үшін қызметтердің толық спектрін көрсетуге дайын», - деді Диана Аблякимова.

Өз кезегінде, іс-шараға қатысушылар Қазақстанның басым салаларының әлеуеті мен Орталық Азиядағы ірі экономикамен ынтымақтастықтың перспективалық мүмкіндіктерін жоғары бағалады. Шетелдік инвестициялар үшін бәсекелестік артықшылықтар ірі компания өкілдерінің ерекше қызығушылығын тудырды.


Іс-шара қорытындысы бойынша «KAZAKH INVEST» ҰК» АҚ  инвестиция тарту бойынша 30 номинацияланған халықаралық агенттіктер арасында Қазақстанның инвестициялық имиджін халықаралық аренада дамытып жатқаны үшін «Most Attractive Emerging Market»  марапатына ие болды.

Бағалау инвесторлармен жұмыс бойынша саралау, жетістіктер және инновациялық және кешенді тәсілдер сынды нақты критерийлер бойынша жүргізілді.

Қолданбасын орнатыңыз:
1) Ашыңыз сайты Safari
2) сақтау Түймешігін түртіңіз
3) Қосу экран үйге