Оңтүстік кореялық компаниялар Қазақстанның ЖЭО-сын жаңғыртуды жоспарлап отыр
ҚР Энергетика Вице-министрі Сұңғат Есімхановтың, «KEPCO» компаниясының президенті Хонген Кимнің, «Doosan Enterbility» компаниясының аға Вице-президенті Юнгкван Кимнің және «KAZAKH INVEST» ҰК» АҚ шетелдік өкілі Дәулет Сақтағановтың кездесуінің қорытындысы бойынша ҚР Энергетика министрлігі, KEPCO және Doosan арасындағы өзара түсіністік туралы Меморандумға қол қойылды enterbility.
Құжатқа сәйкес, оңтүстік кореялық KEPCO және Doosan Enterbility компаниялары Астана, Алматы, Павлодар ЖЭО және Топар ГРЭС-ін зерттеу және одан әрі жаңғырту жөніндегі жобаны іске асыруға ниетті. Компаниялар электр станцияларының өнімділігін арттыру үшін инновациялық экологиялық шешімдерді пайдалануды жоспарлап отыр.
«KEPCO және Doosan Enterbility компанияларының экологиялық шешімдері елдегі ауаның ластану деңгейін төмендетуге ұмтылатын Қазақстан Үкіметі үшін оңтайлы шешімдер болып табылады. Осы Меморандумға қол қойылғаннан кейін біз Қазақстандағы экологиялық таза энергетикалық жобалардың дамуына өз үлесімізді қосу үшін бірлесіп жұмыс істейтін боламыз», — деді Юнгкван Ким.
Оңтүстік Корея жасыл энергетика шешімдерін әзірлеуде және технологияларды шет елдерге аударуда жетекші маман болып табылады. Сонымен, Оңтүстік Корея Біріккен Араб Әмірліктерінде алғашқы атом электр станциясын салды және жоспарланған төрт энергоблоктың үшеуін іске қосты.
