Германдық Rehau компаниясы Қазақстанда терезе өндірісін іске қосты
2023 жылғы 4 шілдеде Астанада Қазақстан Республикасы Сыртқы істер министрлігі және «KAZAKH INVEST» ҰК» АҚ қолдауымен «Funke Kunststoffe» ЖШС зауытында немістің «Rehau» компаниясының терезе профильдерінің бірінші өндірістік желісі ашылды. Кәсіпорынның жылдық қуаттылығы ПВХ экструзия терезелеріне арналған 3000 тонна профильді құрайды.
Rehau - құрылыс және инженерлік жүйелерге арналған инновациялық шешімдердің әлемдік көшбасшысы. Компаниялар тобында 41 зауыт, 23 әкімшілік орталық, 9 дистрибьюторлық орталық, сонымен қатар 105 сату кеңсесі бар. Еуропада 25 зауыт, компанияның 6 логистикалық орталығы және барлық сату кеңселерінің жартысына жуығы бар. Компанияның өкілдіктері 68 елде орналасқан. Кәсіпорын жұмысшыларының саны 21 мыңнан астам адамды құрайды.
Ашылу салтанатына Rehau Window Solutions компаниясының басшысы Карстен Хойер, Қазақстан Республикасы Сыртқы істер министрлігі Инвестициялар комитетінің төрағасы Ардақ Зебешев, «KAZAKH INVEST» ҰК» АҚ басқарма төрағасы Мейіржан Юсупов қатысты.
Жобаның тұсаукесерінде К.Хойер компанияның аймақтағы қатысуын кеңейту мүмкіндігін көптен бері қарастырып келе жатқанын және Қазақстан осы мақсаттарға жету үшін ең жақсы алаң болып шыққанын айтты.
«Біз Қазақстанды дамыған инфрақұрылым, қолайлы инвестициялық жағдайлар, сондай-ақ Орталық Азия мен ТМД нарықтарына өнімді экспорттау мүмкіндігіне байланысты өндірісті оқшаулау үшін ел ретінде таңдадық. Ішкі нарықта біз алғашқы үш жылда 50% үлесті, кейін 70%-ға дейін арттыруды жоспарлап отырмыз», - деді Карстен Хойер.
ҚР СІМ Инвестициялар комитетінің төрағасы Ардақ Зебешев Германиядан компаниялардың келуі жиі мультипликативті әсер ететінін атап өтті, өйткені Қазақстанға келген компаниялардан кейін олардың неміс серіктестері Қазақстан Республикасының аумағында өз өндірісін іске қосу мүмкіндігін жиі қарастырады. Мұның жарқын мысалы - "Funke Kunststoffe" ЖШС және "Rehau"бірлескен жобасы..
«Германия Қазақстанның маңызды стратегиялық серіктесі болып табылады, 2005 жылдан бері неміс инвесторлары Қазақстан экономикасына шамамен 6 миллиард доллар инвестициялады. Сонымен қатар, ағымдағы жылдың маусым айында ГФР Президенті Франк-Вальтер Штайнмайердің сапары Тараптардың экономикалық қатынастарды нығайтудағы ниеттерінің маңыздылығын көрсетеді",», - деп түйіндеді сөзін Ардақ Зебешев.
