Грузиялық инвесторлар Қазақстанда екінші трактор өндірісін іске қосты
Georgian Industrial Group компаниясының грузиялық инвесторлары Қазақстанда YTO қытайлық брендінің тракторларын шығаратын болады. Бұған дейін ҚР ИИДМ мен инвесторлар арасында ауыл шаруашылығы техникасын өнеркәсіптік құрастыру туралы келісімге қол қойылған болатын. Сонымен қатар, ағымдағы жылдың наурыз айында "KAZAKH INVEST" ҰК" АҚ қолдауымен инвесторлар арнайы инвестициялық келісімшарт жасасты. Жасалған келісімдер шеңберінде инвесторлар кедендік баждары мен ҚҚС-ты төлеуден босатылады.
Компания бұл жобаны Қытай мемлекеттік компаниясымен бірлесіп жүзеге асыруда. Жыл сайын инвесторлар қуаттылығы 90-нан 130-ға дейін ат күші 500-ге дейін трактор шығаруды жоспарлап отыр.
"2020 жылдың тамыз айында біз Қытайдың әлеуетті серіктесі – SINOMACH мемлекеттік ұлттық корпорациясының негізгі бөлімшесі болып табылатын YTO GROUP компаниясымен ынтымақтастық орнату жұмыстарын белсенді бастадық. Бұл Қытайдағы ең ірі 15 компанияның қатарына кіретін сенімді серіктес. Қазақстанда осындай техниканы өндіру ауыл шаруашылығы машиналарын жасау мен АӨК саласын дамытуға серпін береді деп санаймын", - деп хабарлады ЧК Kazrost Engineering Ltd директоры Дарын Иманмусаев.
Жобаға салынған инвестициялардың жалпы көлемі $5 млн құрайды, алғашқы тракторлар ағымдағы жылдың мамыр айында кәсіпорынның конвейерінен түседі деп жоспарлануда. Инвесторлардың айтуынша, жобада 50 тұрақты жұмыс орны ашылады.
"Бүгінде Қазақстанда ауыл шаруашылығы техникасы паркінің тозу деңгейі шамамен 76% - ды құрайды. Бұл өкінішті көрсеткіш. АӨК секторын белсенді дамыту үшін бізге сапалы ауыл шаруашылығы техникасы қажет. Бұл өнімділікті және өнімдеріміздің бәсекеге қабілеттілігін арттырады", - деп атап өтті "KAZAKH INVEST" ҰК" АҚ жобалық менеджері Айнұр Жұманбаева.
Бүгінгі күні KAZAKH INVEST ауыл шаруашылығы машинасын жасау саласында жалпы соммасы $200 млн болатын тағы 11 жобаны іске асыруға жәрдемдесуде, үш жоба 2019 - 2020 жылдары пайдалануға енгізілді, қазіргі уақытта өндірістік қуаттарды кеңейту және оқшаулауды тереңдету бойынша жұмыс жүргізілуде. Жобаларды АҚШ, Германия, Ресей, Украина және басқа да жақын және алыс шетел инвесторлары жүзеге асырады.
Georgian Industrial Group компаниясының инвесторлары үшін бұл Қазақстан аумағындағы алғашқы инвестициялық жоба емес. Бұған дейін кәсіпкерлер Ақмола облысында Acros және Vector маркалы комбайндар өндірісін жолға қойған болатын.
