Германиялық және швейцариялық компаниялар Қазақстанда машина жасау секторын дамытуға мүдделі
Германия-Швейцария бизнес-делегациясының Қазақстанға сапары аясында «KAZAKH INVEST» ҰК» АҚ Басқарма төрағасы Ержан Елекеев «Gebr. Heller Maschinenfabrik GmbH», «WTO Werkzeug-Einrichtungen GmbH», «Paul Horn GmbH», «ZIEHL-ABEGG SE», «LNS Group», «HERMLE AG» және Неміс-Еуразиялық Экономикалық Одақтың өкілдерімен кездесу өткізді. Кездесу барысында тараптар ҚР машина жасау саласындағы инвестициялық ынтымақтастық мәселелерін талқылады.
Сонымен, станок жасау саласындағы әлемдік көшбасшылар болып табылатын Gebr. Heller Maschinenfabrik GmbH және WTO Werkzeug-Einrichtungen GmbH компаниялары Қазақстан аумағында инвестициялық жобаларды іске асыру перспективаларын қарастыруда. Gebr. Heller Maschinenfabrik GmbH фрезерлік станоктар мен өндіріс жүйелерінің жетекші өндірушісі болып табылады, ал WTO Werkzeug-Einrichtungen GmbH токарлық орталықтарға арналған құралдарды жеткізеді.
Paul Horn GmbH машина жасау өнімдерін өңдеуге арналған құралдарды шығарады, ал ZIEHL-ABEGG SE желдету және ауаны баптау технологияларын ұсынады. LNS Group шикізатты беруді және жоюды автоматтандыру бойынша көшбасшы болып табылады, ал HERMLE AG станоктар мен өңдеу орталықтарының жетекші өндірушілері болып табылады. Неміс-Еуразиялық Экономикалық Одақ Германия мен Еуразия елдері арасындағы экономикалық қатынастарды дамыту мен қолдаудағы неміс бизнесінің мүдделерін ескере отырып, тәжірибе мен ақпаратпен тікелей алмасу үшін платформа ұсынады.
Қазақстанға сапары барысында компания делегаттары әлеуетті қазақстандық серіктестермен танысу үшін «Kazakhstan Machinery Fair – 2024» халықаралық көрмесіне қатысып, мемлекеттік және жеке сектор өкілдерімен бірқатар кездесулер өткізеді.
Ұлттық компанияның Басқарма төрағасы Қазақстанның машина жасау саласының сауда-инвестициялық әлеуетін таныстырып, осы бағыттағы екіжақты ынтымақтастықты одан әрі дамыту қажеттігін атап өтіп, неміс және швейцариялық бизнесті Қазақстанда бірлескен жобаларды іске асыруға шақырды.
«Өндіріс көлемінің өсуіне қарамастан, машина жасау секторында импортқа тәуелділік жоғары. Мәселен, өткен жылы Қазақстанға тауарлар импорты шамамен 50 млрд. АҚШ. Оның ішінде машина жасау өнімінің импорты 20 млрд. АҚШ. Немесе Қазақстанның өңделген тауарларының жалпы импортының 40%-дан астамы. Бірқатар машина жасау өндірістерінің төмен локализациясына байланысты импорттың үлкен көлемі кейіннен ел ішіндегі өндірістерде құрастыруға арналған құрамдас өнімдермен толықтырылатындығы маңызды болып табылады. Бұл ішкі өндіріс пен импортты алмастыру үшін пайдаланылмаған орасан зор әлеуетті білдіреді», - деді Е. Елекеев.
Кездесу қорытындысы бойынша тараптар инвестициялық ынтымақтастықты нығайтуға келісті.
