Қазақстанда көтерме сауда көлемі 11 пайызға артты
![Қазақстанда көтерме сауда көлемі 11 пайызға артты](/upload/resize_cache/iblock/5d0/690_2000_140cd750bba9870f18aada2478b24840a/js0vi3jfva7p3e1vmr7rulcai2uz5f9j.jpg)
АСТАНА. ҚазАқпарат - Қазақстандағы көтерме сауда көлемі алғашқы алты ай ішінде 17,6 трлн теңгеге жетті, деп хабарлайды ҚазАқпарат ұлттық статбюроға сілтеме жасап.
2023 жылғы қаңтар-маусымда көтерме сауда көлемі 17 612,4 млрд теңгені құрады, бұл 2022 жылғы тиісті кезеңге қарағанда 11,1% артық.
2023 жылғы қаңтар-маусымда республиканың көтерме саудасының жалпы көлеміндегі ең үлкен үлес Алматы (39,6%) және Астана (15,8%) қалаларына, сондай-ақ Атырау (14,9%), Қарағанды облыстарына (5,2%) тиесілі.
Меншік нысандары бойынша көтерме сауданың 62% - жеке компаниялар, 36,9% - шетелдік компаниялар үлесінде.
Кәсіпорындардың көлемі бойынша көтерме сауданың көп бөлігі шағын кәсіпорындар арқылы өткен – 75,7%.
Дереккөз: inform.kz