Қазақстанда Президенттік Жастар кадрлық резервіне кірген кандидаттардың есімдері белгілі болды
Мемлекет Басшысы Қасым-Жомарт Тоқаев дарынды жастар үшін ашық және тиімді әлеуметтік лифт құру туралы идеяны айтты. Бұл жоба барынша даярланған және тәжірибелі жастар үшін мемлекеттік басқару және квазимемлекеттік сектор жүйесінде басшылық лауазымдарға ие болуға бірегей мүмкіндік ашады. Жобаның сайтында атап өтілгендей, жоғары әкімшілік және саяси лауазымдарға бос орындар пайда болған жағдайда президенттік Жастар кадрлық резерві резервшілерінің кандидатуралары қаралатын болады.
Біздің әріптестеріміздің жетістіктерімен бөлісуге қуаныштымыз: Ақтөбе облысы бойынша KAZAKH INVEST аймақтық директоры Нұрхан Тілеумұратов және корпоративтік даму тобының директоры Бибігүл Құрманова іріктеу процесінің нәтижелері бойынша Президенттік Жастар кадрлық резервіне енгізілген үздік қатысушылар қатарына кірді.
Алдағы уақытта кадр резерві мүшелерінде ҚР Президенті жанындағы Мемлекеттік басқару академиясында және оның филиалдарында әрі қарай кәсіби және жеке даму үшін оқыту курстары мен тренингтерден өту мүмкіндігі пайда болады.
Іріктеу нәтижелерімен жоба https://pkrezerv.kz/results сайтында танысуға болады.
