Белградта инвестициялық ынтымақтастықтың келешегі талқыланды
Қазақстанның Сербиядағы Елшілігі мен елдің Сауда-Өнеркәсіп палатасының қолдауымен ұйымдастырылған Белград қаласына (Сербия Республикасы) сапары барысында ҚР сауда және интеграция Вице-министрі Қайрат Төребаев пен «KAZAKH INVEST» ҰК» АҚ-ның Оңтүстік Еуропадағы шетелдік өкілі Алтынай Мұқанова сербиялық компаниялардың басшылығымен бірқатар кездесулер өткізіп, онда бірлескен инвестициялық жобаларды іске асыру әлеуеті талқыланды.
Осылайша, Сербияның сауда-өнеркәсіп палатасының басшылығымен Тараптар Қазақстан мен Сербияның экономиканың басым салаларындағы екіжақты ынтымақтастығын тереңдету мәселелерін талқылады.
А. Мұқанова «ICCE» компаниясының өкілдеріне Қазақстандағы электротехникалық машина жасау әлеуетін таныстырды. Шетелдік өкіл өнеркәсіптің кең ауқымында кәсіпорындарды автоматтандыру жөніндегі жобаларды құру индустрияландыруға және адами капиталды ұлғайтуға елеулі үлес қосатынын атап өтті. ICCE 20-дан астам елдегі клиенттер үшін Электротехника және процестерді автоматтандыру бойынша кілтті шешімдерді ұсынады.
Сербиядағы полипропиленнің жалғыз өндірушісі – «Hipol» компаниясымен кездесу өтті, келіссөздер барысында компания өкілдері Қазақстан аумағында жобаларды іске асыруға қызығушылық танытты. Айта кету керек, компания зауыты жылына 35000 тоннаға дейін полипропилен шығарады.
А. Мұқанова сондай-ақ «Gerovit», «GOŠA FOM» және «Sigma Ltd» сияқты компаниялардың басшыларымен кездесулер өткізіп, серб өкілдерін Қазақстанның инвестициялық ахуалымен және инвестициялар тарту құралдарымен таныстырды.
Өз кезегінде сербиялық тарап бірлескен перспективалық жобаларды іске асыруға үлкен қызығушылық танытып, қазақстандық әріптестермен одан әрі ынтымақтастықты жолға қоюға ұмтылысын білдірді.
