KAZAKH INVEST Эр-Риядта өткен форумға қатысты
2022 жылдың 11 қаңтарында Эр-Риядта Future Minerals Forum халықаралық тау-кен форумы ресми түрде басталды. Шараға 50-ден астам елден 6000-ға жуық өкілі қатысты. Қатысушылар қатарында «KAZAKH INVEST» ҰК» АҚ өкілдері де болды.
Форум барысында пайдалы қазбалар кен орындарын игеру, жаңартылатын энергия көздерін дамыту перспективалары, аккумуляторларды жеткізу тізбегін дамыту, энергияның ауысуы және экологиялық, әлеуметтік және басқару аспектілері (ESG) бойынша талқылаулар мен презентациялар өткізілді.
Іс-шара барысында «KAZAKH INVEST» ҰК» АҚ Task Force тобының жоба менеджері Бауыржан Айтқұлов Форум қатысушыларына Қазақстан Республикасының инвестициялық ахуалы және тау-кен металлургия салаларындағы инвестициялық ынтымақтастықтың әлеуеті туралы ақпаратты ұсынды.
Сондай-ақ шара барысында шетелдік компаниялардың өкілдерімен кездесулер өткізіліп, оның барысында инвестициялық ынтымақтастықты орнату мүмкіндіктері талқыланды.
Халықаралық тау-кен форумы жаһандық тау-кен компанияларына пікір алмасу, идеялар мен білім алмасу және соңғы салалық үрдістер мен мәселелерді талқылау үшін тамаша алаң берді. KAZAKH INVEST-тің қатысуы компанияның халықаралық серіктестермен қарым-қатынасын одан әрі нығайтуға және Қазақстанның тау-кен өнеркәсібі саласына ынтымақтастық пен инвестиция тартудың жаңа мүмкіндіктерін ашты.
