Қазақстан мен Біріккен Араб Әмірліктері арасындағы экономикалық ынтымақтастық
БАӘ Қазақстанның Таяу Шығыстағы маңызды серіктестерінің бірі болып табылады. Сауда-экономикалық ынтымақтастықты тереңдетуге, инвестицияларды ынталандыруға және өзара қорғауға бағытталған елдер арасында бірқатар үкіметаралық келісімдер бар.
2021 жылы елдер арасындағы тауар айналымы 2020 жылмен салыстырғанда 66 пайызға өсіп, $709 млн құрады.2022 жылдың 9 айында бұл көрсеткіш $558 млн жетті. Оның ішінде қазақстандық экспорт $519 млн, импорт $39 млн. Қазақстаннан экспортталатын негізгі тауарлар – мыс және катодты мыс, арпа, қой және ешкі еті.
2011 жылдан бері БАӘ-ден Қазақстанға тікелей инвестицияның жалпы ағыны шамамен $2 млрд құрады. Қазіргі уақытта Қазақстандағы әмірлік бизнесінің инвестициялық жобаларының пулында жалпы сомасы 5,3 млрд АҚШ долларын құрайтын 25 жоба бар.Олардың арасында Алматы облысында құс фабрикасын іске қосу (Falah Growth қоры), Қарағанды ЖЭО-3 энергетикалық қуатын кеңейту (Falah Growth Fund), Ақмола облысында астық өңдеу кәсіпорнын іске қосу (Phoenix Global DMCC) және т.б. .
«KAZAKH INVEST» ҰК» АҚ қолдауымен ұйымдастырылатын алдағы инвестициялық дөңгелек үстел аясында мұнай-газ, тамақ өнеркәсібі, азаматтық инфрақұрылым, қаржы секторы салаларындағы ықтимал инвестициялық жобаларды талқылау жоспарлануда. Сондай-ақ бірқатар коммерциялық құжаттарға қол қойылып, екі елдің жетекші компаниялары арасында екіжақты келіссөздер жүргізіледі деп күтілуде.
