KAZAKH INVEST туралы


«KAZAKH INVEST» Ұлттық компаниясы» АҚ

«KAZAKH INVEST» Ұлттық компаниясы» акционерлік қоғамы Қазақстан Республикасына инвестициялар тарту саласындағы индустриялық-инновациялық қызметті мемлекеттік қолдау шараларын іске асыруға, сонымен қатар экпортты дамыту мен жылжытуға уәкілетті болып табылады. Шетелде өзіндік өкілдердің кең желісі бар. «Бір терезе» қағидасы бойынша инвестициялық жобаларды идеядан бастап іске асыруға дейінгі толық қызмет шоғырын қолдауды қамтамасыз етеді және Қазақстан Республикасының арнайы экономикалық аймақтары бойынша бірыңғай үйлестіруші орталық ретінде әрекет жасайды.

«Kazakh Invest» компаниясы жобадан кейінгі қызмет көрсету мен үйлестіру функцияларын орындап, жергілікті компаниялар мен шетел инвесторларының арасындағы байланысты нығайтуда маңызды рөл атқаратын болады. Мұндай шаралар мәселен, байланыстар орнату бойынша іс-шаралар, жергілікті өнім берушілер мен ХҰК деректер қорын әзірлеу, өнім берушілердің даму бағдарламасын бірлесе құру, сонымен қатар, басқа да мемлекеттік органдармен жиі бірлесе отырып кең реформалар өткізуді насихаттау болып табылады.

«KAZAKH INVEST» атқаратын рөлі:

  • Инвестициялық жобаларды іске асырудың перспективалары мен жағдайларын талқылауға Қазақстан Республикасы Үкіметінің мүддесін білдіретін, бірыңғай келіссөз жүргізуші;
  • Инвестициялық жобаларды іске асыруға және әрі-қарай игерімге беруге қажетті түрлі келісулер мен рұқсаттарды беруге, инвесторлар үшін инвестициялық преференциялар түріндегі мемлекеттік қолдау сияқты мемлекеттік қызметтерді көрсететін жүйеге қол жеткізу бірыңғай нүктесі.

Осылайша, «KAZAKH INVEST» «Бір терезе» қағидаты бойынша ҚР мемлекеттік органдарының өкілдерімен бірлесе отырып, инвестор үшін қажеттіліктерді барынша азайту немесе жою функцияларын жүзеге асыратын болады.