Қазақстан мен кеме Арабиясы Инвестицияларды өзара қолдау мен қорғау туралы келісімге қол қояды
Әл-Кассим провинциясының сауда-өнеркәсіп палатасының басшысы Мухаммад Абдулкарим Әл-Ханайя «Қазақстан мен Сауд Арабиясы арасындағы бизнес және инвестициялық мүмкіндіктер» вебинары барысында осы Келісімге қол қоюды жеделдету қажеттігі туралы хабарлады.
Іс-шараға ҚР САК-дағы Елшісі Б. Арын, Джидда және Әль-Кассим СӨП басшылығы мен мүшелері, «Астана» халықаралық қаржы орталығының, сондай-ақ KAZAKH INVEST, Kazakh Tourism, QazTrade қазақстандық ұлттық компаниялардың өкілдері және т. б. қатысты.
САК тарапынан 20 компания, соның ішінде SALIC (Saudi Agricultural and Livestock Investment Company), Сауд Арабиясы Корольдігінің мемлекеттік инвестициялар қорына тиесілі Сауд ауыл шаруашылығы және мал шаруашылығы инвестициялық компаниясы және т. б. қатысты.
Өз сөзінде ҚР Сауд Арабиясы Корольдігіндегі Төтенше және Өкілетті Елшісі Б. Арын Сауд бизнесмендерін бірлескен жобаларды іске асыруға белсенді қатысу және қазақстандық серіктестермен байланыстарды кеңейту және т.б. арқылы екі ел арасындағы достық пен ынтымақтастықты нығайтуға өз үлесін қосуға шақырды.
«KAZAKH INVEST» ҰК» АҚ жобалар департаменті директорының орынбасары Сәуле Сабыр ҚР Үкіметінің агроөнеркәсіптік саладағы шетелдік инвесторларға кепілдіктер мен преференциялар беру, қолайлы инвестициялық ахуал жасау бойынша жүргізіп жатқан саясаты, мемлекеттік қолдау шаралары және инвестициялық жобалар туралы айтып берді.
«Қазақстан инвестиция үшін тартымды экономика болып табылады. Негізгі себептер, басқалармен қатар, стратегиялық маңызды орналасуы, бизнесті жүргізу үшін қолайлы орта, инвесторлардың құқықтарын қорғау және біздің инвестициялық ынталандыруларымыз болып табылады. Инвесторларды мемлекеттік қолдау жүйесі көпдеңгейлі болып табылады және оған түрлі салалық жеңілдіктер, сондай-ақ инвестициялық келісімшарт кіреді, оның шеңберінде инвестициялық жобалар корпоративтік табыс және жер салықтарынан, сондай-ақ мүлік салығынан босатылады», - деп атап өтті Сәуле Сабыр.
Сонымен қатар, қазақстандық өкілдер туризм және жеңіл өнеркәсіп саласындағы перспективалы инвестициялық жобаларды таныстырды. АХҚО-ның исламдық қаржыландыруды дамыту және Қазақстанда шетелдік инвесторлар үшін ыңғайлы экожүйе құру жөніндегі қызметі таныстырылды. Сонымен қатар, Сауд Арабиясының бизнесмендері қазақстандық экспорттық өнімнің номенклатурасымен танысты.
Әл-Кассим провинциясының сауда-өнеркәсіп палатасының басшысы Мухаммад Абдулкәрім Әль-Ханая мырза (Muhammad Abdulkarim Al Hanaya) өз кезегінде нәтижелі диалогты ұйымдастырғаны және инвестициялық жобаларды іске асыру мен бизнесті жүргізудің барлық артықшылықтарының егжей-тегжейлі таныстырылымы үшін алғысын білдірді, сондай-ақ прогреске қол жеткізу және екі ел арасында инвестицияларды өзара қолдау және қорғау туралы келісімге қол қоюды аяқтау қажеттігін атап өтті. Оның айтуынша, бұл Қазақстанға Сауд инвестицияларын арттырады.
Іс-шараны «KAZAKH INVEST» ҰК» АҚ Сауд Арабиясындағы ҚР Елшілігімен, Джидда Сауда-өнеркәсіп палаталарымен және Әл-Кассим провинциясымен бірлесіп ұйымдастырды.
